Në Qendrën е Kulturës (13.05.2022 në ora 20:00) u shfaq kinoprojeksioni i filmit “Cirku Fluturues”me skenar dhe regji të Fatos Berishës.
Katër aktorë udhëtojnë ilegalisht nëpër kufijtë e Ballkanit në kohë lufte. Në festivalin e teatrit. Por misioni i tyre i vërtetë është të gjejnë idhullin e tyre Michael Palin.
Flying Circus është një komedi e zezë surrealiste e bazuar në ngjarje reale. Kosova është në prag të luftës. Dodona, një teatër i vogël në Prishtinë, është institucioni i fundit publik që mbyllet. Katër protagonistët, aktorët e rinj Kushtrim (Armend Smiley), Donat (Afrim Mucaj), Fatmir (Shpëtim Selmani) dhe Leke (Tristan Halilaj), nga shfaqja “Cirku Fluturues”, frymëzuar nga seriali legjendar britanik “Monty Python’s Flying Circus” marrin një ftesë për të interpretuar në një festival teatri në Shqipëri. Rruga është e rrezikshme. Ata nuk kanë pasaporta për të kaluar kufirin. Fillimisht vendosin të mos shkojnë, por pavarësisht tundimeve, Fatmiri dëgjon në lajmet se Michael Palin nga ekipi i Monty Python do të xhirojë në Shqipëri gjatë ditëve të festivalit dhe më pas nuk i rezistojnë dot idesë se mund të takojnë idhullin e tyre. E vetmja mënyrë për të shkuar në Shqipëri është kalimi i paligjshëm i kufirit Malazez-Shqiptar, që është një rrezik i madh.
