Category: Музички активности

На 12.06.2021 ( сабота ) во 19:00 часот во НУ Центар за култура “Кочо Рацин“ Кичево се одржa концерт од страна на Стручниот хор Про Арс, пианистот Шкелзен Бафтијари и диригент Агона Чупи со наслов “Звуците на пролета“ концерт организиран од НУ Центар за култура Кичево со подршка на Општина Кичево и Министерство за култура.

Музика, оваа величествена уметност, која го наоѓа патот на изразување преку звуците. Уметност која не знае јазик и нема време.На 28.05.2021 година, Центарот за култура „Кочо Рацин“ Кичево беше домаќин на величествен концерт „Концерт дуо на пијано – 4 раце“ што почна и заврши со аплаузи и големи емоции.

На 11 Септември 2020г. во организација на Центарот за култура „Кочо Рацин“ Кичево со поддршка на Министерството за култура се одржа симфониската бајка за деца „Петар и волкот“ на македонски и албански јазик со диригент Агона Чупи и диригент Ангел Спироски.

Петар и волкот оп. 67, „детска симфониска бајка”, е музичко дело 
напишано од Сергеј Прокофиев во 1936 година.
Нараторот им раскажува приказна на децата, додека оркестарот ја илустрира така децта се запознаваат со музичките инструменти и нивните карактеристики.

Петар и волкот е една од најпознатите дела на Прокофиев и едно од најчесто изведуваните дела на целиот класичен репертоар.

По повод Денот на независноста 8-ми Септември во Центарот за култура “Кочо Рацин“- Кичево гостуваше гудачкиот квартет ВИВА Стрингс од Скопје. 
Програмата на овој концерт беше од популарен карактер, на програмата беа застапени повеќе модерни наслови кои побудија интерес кај публиката. Меѓу другите, беа изведени композиции на Мајкл Џексон (Michael Jackson), Бритни Спиарс (Britney Spears), Јуритмикс (Eurythmics), Роби Вилијамс (Robbie Williams), Квин (Queen) и други.

Претставување на една ваква програма пред кичевската публика претставуваше повеќекратен успех, бидејќи се помага во едукацијата и пројавување интерес кај публиката за други типови на музика освен секојдневно слушаните турбо-фолк и слични музички жанрови.

Поради ситуацијата во која се наоѓа целата држава концертот се одржа според протоколот на Министерство за култура издаден од здравствената комисија за заштита од Ковид19.Концертот се адаптираше да се реализира во надворешни услови-на платото од центарот за култура. Притоа публиката беше ограничена со број на седишта, кои беа поставени на растојание од 2 метри и беше ставено напомена преку доставување на рекламен материјал од страна на учесниците за носење на заштитна маска за време на настанот.  Концертот е дел од Националната програма за култура за 2020 година и е поддржан од Министерството за култура и од НУ Центар за култура „Кочо Рацин“ – Кичево.