Ansambli i këngëve dhe valleve popullore shqiptare në RMV me koncert kushtuar “TRIO Zajazit”

Në Qendrën e kulturës u realizua koncert nga ansambli i këngëve dhe valleve popullore shqiptare në RMV kushtuar “TRIO Zajazit” mbështetur nga Ministria e kulturës.

Rexhep Zajazi kujtohet në vendlindjen e tij në 25 vjetorin e ndarjes nga jeta përmes këtij koncerti tematik dedikuar grupit “Trio Zajazi” që u shfaq nga artistët e Ansamblit Nacional të Këngëve e valleve popullore shqiptare në RMV.

Sekretari shtetëror në Ministrinë e Kulturës të Republikës së Maqedonisë së Veriut, z.Valmir Aziri hapi koncertin tematik-premierë dedikuar grupit “Trio Zajazi”, epokën e së cilës pas pesë dekadash e riktheu Ansambli Shtetëror i Këngëve dhe Valleve Popullore Shqiptare në Republikën e Maqedonisë së Veriut.
Në fjalimin e tij, sekretari Aziri theksoi që institucionalisht jemi duke krijuar dhe duke e zhvilluar kujdesin për folklorin, traditën dhe melosin e kombit shqiptarë, gjithashtu, falemenderoi edhe Ansamblin Shtetëror Shqiptar për punën e palodhshme mbi ruajtjen e vlerave dhe pasurisë që posedon kombi shqiptar duke nderuar për herë të parë biografinë me këngët më të bukura dhe me karakteristikat e interpretimit të protagonistit, Rexhep Zajazi i cili pa dyshim la gjurmë të pashlyeshme në avancimin e muzikës autoktone.
Poashtu, sekretari Aziri përgëzoi edhe artistët e Ansamblit për interpretimin e shkëlqyer duke i falemenderuar për emocionet që i ofruan të gjithë atyre që ishin të pranishëm për ta ndjekur këtë manifestim

Video:

https://fb.watch/2ONGF9paOE/

https://fb.watch/2ONIO6lme8/

You may also like...

Lini një Përgjigje

Adresa juaj email s’do të bëhet publike.